Cofnodion - Y Pwyllgor Busnes

Lleoliad:

Ystafell Gynhadledd 4B - Tŷ Hywel

Dyddiad: Dydd Mawrth, 27 Ionawr 2026

Amser: 09.01 - 09.20

Preifat, Hybrid

------

Yn bresennol

Categori	Enwau
Aelodau’r Pwyllgor:	Elin Jones AS, Llywydd (Cadeirydd) Paul Davies AS Heledd Fychan AS Jane Hutt AS
Staff y Pwyllgor:	Graeme Francis (Clerc) Steffan Lewis (Dirprwy Glerc)
Eraill yn bresennol	Jane Dodds AS David Rees AS, Y Dirprwy Lywydd Manon Antoniazzi, Prif Weithredwr a Chlerc y Senedd Julian Luke, Cyfarwyddwr Busnes y Senedd Bethan Davies, Pennaeth Gwasanaeth y Siambr a Phwyllgorau Marc Wyn Jones, Pennaeth Pwyllgorau Polisi a Deddfwriaeth Lisa Griffiths, Clerc Gweithdrefnau  Helen Carey, Llywodraeth Cymru

<AI1>

1 Cyflwyniad, ymddiheuriadau a dirprwyon

Croesawodd y Llywydd yr Aelodau i’r cyfarfod. Ni chafwyd ymddiheuriadau.

</AI1>

<AI2>

2 Cofnodion y cyfarfod blaenorol

Cytunwyd ar gofnodion y cyfarfod blaenorol i’w cyhoeddi.

</AI2>

<AI3>

3 Trefn Busnes

</AI3>

<AI4>

3.1 Busnes yr wythnos hon

Dydd Mawrth

Dywedodd Jane Dodds ei bod wedi ysgrifennu at y Trefnydd i ofyn am ddatganiad llafar ar y sefyllfa bresennol gydag Undeb Rygbi Cymru a'r Gweilch. Cadarnhaodd y Trefnydd y byddai'n ystyried y cais.

Nododd y Pwyllgor Busnes y canlynol:

• Caiff y Cyfnod Pleidleisio ei gynnal fel yr eitem olaf o fusnes
• Nid yw'r Cyfarfod Llawn yn debygol o fynd y tu hwnt i 7.10pm.

Dydd Mercher

• Caiff y Cyfnod Pleidleisio ei gynnal cyn y Ddadl Fer.  

• Nid yw'r Cyfarfod Llawn yn debygol o fynd y tu hwnt i 7.00pm.

</AI4>

<AI5>

3.2 Amserlen busnes y Llywodraeth ar gyfer y tair wythnos nesaf

Rhoddodd y Trefnydd wybod i’r Rheolwyr Busnes am y newidiadau canlynol i amserlen Busnes y Llywodraeth ar gyfer y tair wythnos nesaf:

Dydd Mawrth 10 Chwefror 2026

• Rheoliadau Ardrethu Annomestig (Gwerth Lluosyddion Gwahaniaethol) (Cymru) 2026 (5 munud)
• Rheoliadau Ardrethu Annomestig (Trefniadau Osgoi Artiffisial) (Rhestrau Lleol) (Cymru) 2026 (15 munud)
• Rheoliadau Deddf Treth Trafodiadau Tir a Gwrthweithio Osgoi Trethi Datganoledig (Cymru) 2017 (Diwygio Atodlen 5) 2026 (5 munud)
• Rheoliadau Treth Trafodiadau Tir (Addasu Rhyddhad ar gyfer Caffaeliadau sy'n Ymwneud ag Anheddau Lluosog) (Cymru) 2026 (5 munud)
• Rheoliadau Cau Cynlluniau Amaethyddiaeth Gwaddol yr Undeb Ewropeaidd (Cymru) 2026 (15 munud)
• Rheoliadau Rhentu Cartrefi (Datganiadau Ysgrifenedig Enghreifftiol o Gontract) (Cymru) (Diwygio etc.)  2026 (5 munud)

</AI5>

<AI6>

3.3 Amserlen busnes y Senedd ar gyfer y tair wythnos nesaf

Cytunodd y Rheolwyr Busnes ar y newidiadau canlynol i amserlen Busnes y Senedd am y tair wythnos nesaf:

Dydd Mercher 04 Chwefror 2026 -

• Dadl ar adroddiad y Pwyllgor Cyfrifon Cyhoeddus a Gweinyddiaeth Gyhoeddus: Teithio Llesol yng Nghymru (60 munud)
• Dadl ar adroddiad y Pwyllgor Iechyd a Gofal Cymdeithasol: Gwasanaethau Offthalmoleg yng Nghymru (60 munud)
• Amser a neilltuwyd i’r Ceidwadwyr Cymreig (60 munud)
• Dadl Fer: Buffy Williams (Rhondda) (30 munud)

Nododd y Rheolwyr Busnes mai'r bwriad yw y bydd y gyfran gyntaf o adroddiadau newid Rheolau Sefydlog i baratoi ar gyfer y Seithfed Senedd yn cael ei chynnig i'r Senedd gytuno arnynt yn y Cyfarfod Llawn ddydd Mercher 25 Chwefror, ac y bydd rhagor o fanylion yn cael eu darparu yng nghyfarfod nesaf y Pwyllgor.

Trafododd y Rheolwyr Busnes opsiynau ar gyfer amserlennu busnes y Senedd ar 4 Mawrth pan gynhelir trafodion Cyfnod 3 ar y Bil Iaith Arwyddion Prydain (Cymru).

</AI6>

<AI7>

3.4 Effaith Aelod yn gadael grŵp gwleidyddol

Cytunodd y Pwyllgor Busnes ar y canlynol:

• cynnig y lle gwag ar y Pwyllgor Iechyd a Gofal Cymdeithasol i James Evans AS ac, os na fydd yn cymryd y lle hwn, dyrannu'r sedd wag i Grŵp Plaid Cymru;
• addasu dyraniad amser dadl yr wrthblaid i gymhareb 1:1;
• bod y drefn y mae arweinwyr a llefarwyr y Ceidwadwyr a Phlaid Cymru yn cael eu galw i ofyn cwestiynau llafar yn cael ei newid bob yn ail yn wythnosol; a
• nodi bwriad y Llywydd i newid y drefn y mae siaradwr cyntaf y Ceidwadwyr a siaradwr cyntaf Plaid Cymru yn cael eu galw i gyfrannu at ddatganiadau llafar a dadleuon.

</AI7>

<AI8>

4 Deddfwriaeth

</AI8>

<AI9>

4.1 Llythyr gan Bwyllgor y Bil Atebolrwydd Aelodau at y Cwnsler Cyffredinol a'r Gweinidog Cyflawni mewn perthynas â phenderfyniad ariannol Bil Senedd Cymru (Atebolrwydd Aelodau ac Etholiadau)

Nododd y Pwyllgor Busnes y llythyr. Cadarnhaodd y Trefnydd y byddai'r Cwnsler Cyffredinol yn ymateb i'r llythyr.

</AI9>

<AI10>

4.2 Llythyr gan Gadeirydd y Pwyllgor Diwylliant, Cyfathrebu, y Gymraeg, Chwaraeon a Chysylltiadau Rhyngwladol ynghylch gwrthdaro amserlennu â dadl y Cynnig Cydsyniad Deddfwriaethol ar y Bil Oedolion Terfynol Sâl (Diwedd Oes)

Nododd y Pwyllgor Busnes y llythyr. Cadarnhaodd y Trefnydd nad oedd y Llywodraeth yn bwriadu ail-drefnu'r ddadl ar y Cynnig Cydsyniad Deddfwriaethol ar y Bil Oedolion Terfynol Sâl (Diwedd Oes) sydd i ddigwydd ar 24 Chwefror.

</AI10>

<AI11>

4.3 Llythyr gan y Pwyllgor Cyllid at Ysgrifennydd y Cabinet dros Gyllid a'r Gymraeg mewn perthynas â'r Memorandwm Cydsyniad Deddfwriaethol ar y Bil Cyllid (Rhif 2)

Nododd y Pwyllgor Busnes y llythyr a chytunodd i roi gwybod i Bwyllgor Busnes y Seithfed Senedd y gallai fod angen iddo ystyried y goblygiadau gweithdrefnol sy'n deillio o gyfraddau treth incwm eiddo Cymru, a sut y byddai hyn yn gweithredu ochr yn ochr â phenderfyniad cyfraddau treth incwm blynyddol Cymru.

</AI11>

<AI12>

4.4 Diweddariad ar Femoranda Cydsyniad Deddfwriaethol

Trafododd y Pwyllgor Busnes ddiweddariad gan y Trefnydd a chytunodd i:

• gyfeirio’r Memorandwm ar y Bil Rheilffyrdd at y Pwyllgor Newid Hinsawdd, yr Amgylchedd a Seilwaith a'r Pwyllgor Deddfwriaeth, Cyfiawnder a’r Cyfansoddiad i graffu arno, gyda dyddiad terfynol o 20 Mawrth i gyflwyno adroddiad arno.

</AI12>

<AI13>

5 Trefniadau Cyflwyno

</AI13>

<AI14>

5.1 Trefniadau Cyflwyno yn ystod Toriad y Pasg a'r Diddymiad

Ystyriodd y Pwyllgor Busnes gyngor gan y Swyddfa Gyflwyno a chytunodd:

• mai'r terfyn amser ar gyfer derbyn Cwestiynau Ysgrifenedig fydd 4pm ddydd Gwener 20 Mawrth;
• mai'r terfyn amser ar gyfer derbyn eitemau eraill o fusnes a gyflwynir, ac eithrio busnes brys yn ymwneud ag unrhyw gyfarfodydd adalw a gynhelir yn ystod toriad y Pasg, fydd 4pm ddydd Gwener 27 Mawrth;
• y bydd y Swyddfa Gyflwyno ar agor rhwng 10am a 3pm yn ystod y toriad, ac eithrio dydd Mawrth 7 Ebrill pan fydd ar agor tan 6pm;
• nad oes modd derbyn dim dogfennau i'w gosod os ydynt yn dod i law ar ôl 6pm ddydd Mawrth 7 Ebrill;
• nad oes modd gwneud unrhyw newidiadau i'r Gofrestr Buddiannau ar ôl 6pm ddydd Mawrth 7 Ebrill; ac
• mai'r dyddiad olaf ar gyfer cyflwyno dogfennau sy'n ymwneud â gweithgareddau Grwpiau Trawsbleidiol yw 6pm ddydd Mawrth 7 Ebrill ac y bydd yr holl Grwpiau Trawsbleidiol yn cael eu dadgofrestru'n awtomatig unwaith y bydd y diddymiad yn dechrau am hanner nos ddydd Mercher 8 Ebrill.

</AI14>

<AI15>

6 Gwaith Gweithdrefnol

</AI15>

<AI16>

6.1 Datganiadau o fuddiant: nodyn ychwanegol

Ystyriodd y Pwyllgor Busnes nodyn ychwanegol ynghylch materion a godwyd yn y cyfarfod blaenorol a chytunodd i ddychwelyd i ystyriaeth bellach o'r argymhellion a wnaed gan y Pwyllgor Safonau Ymddygiad yn ei gyfarfod ddydd Iau 29 Ionawr, yn dilyn ymgynghori â grwpiau.

Cytunodd y Pwyllgor Busnes i ysgrifennu at y Pwyllgor Safonau Ymddygiad er mwyn gofyn i'w ddiwygiadau arfaethedig i'r canllawiau sy'n ymwneud â datgan buddiannau (y 'prawf perthnasedd') ddyfynnu Rheolwyr Busnes neu'r Trefnydd, wrth gyflwyno ar ran eu grŵp neu'r llywodraeth, fel enghraifft o lle na ellid fel arfer feddwl yn rhesymol bod buddiant personol wedi dylanwadu ar eu penderfyniad i wneud hynny.

</AI16>

<TRAILER_SECTION>

</TRAILER_SECTION>

<LAYOUT_SECTION>

1. FIELD_TITLE

FIELD_SUMMARY

</LAYOUT_SECTION>

<TITLE_ONLY_LAYOUT_SECTION>

2. FIELD_TITLE

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

FIELD_SUMMARY

</TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

</COMMENT_LAYOUT_SECTION>

<SUBNUMBER_LAYOUT_SECTION>

2.1 FIELD_TITLE

FIELD_SUMMARY

</SUBNUMBER_LAYOUT_SECTION>

<TITLE_ONLY_SUBNUMBER_LAYOUT_SECTION>

2.2 FIELD_TITLE

</TITLE_ONLY_SUBNUMBER_LAYOUT_SECTION>